أنا والليل

ألون الحرف في شفاة الكلام أشعار
وأذوب اللون في لوحات
بوصوفك
أسافر للموانئ لين
ما يتعب بحرها مركب البحار
أدور للعيون اللي بها
من قبل ما أشوفك
تخيلت السحاب اللي سرت به
من على رضوى
نسايم ليل
تهادى للصباح
اللي على كفه عروش الهيل
يضوع به الشذى
من عاطر كفوفك
رسم حلو النهار اللي
صباحه عيد
وروعة إيد
تصافحني على الممسى
وتترك حرقة التنهيد
بشكل المغرب الحالم
يشوف الشمس
على شط البحر تغرق
يفز بحيل
يروعه الغروب اللي
ظروفه
تشبه ظروفك
وأنا والليل