حلو الدلال

حلو الدلال اللي على الكاس سقتي
مسمــــــوم تسقينه صواديد وعناد
أظـــماه لا جيتي وظاميه رحتي
أشرب ظـــما وقتي واظما على معاد
واغزل من القـمرا على عين شفتي
عمر الســــــــهر يامن كتبتيه ميلاد
سجل عنــاي وروح اليوم بختي
لا وا عنــــــاي وقلة البخت يا بجاد
أسافر بعينك وســــيعا نظرتي
غُب الظــــــلام اللي به الخوف يزداد
ليه يا مواني بحـــرها ما وصلتي
وليه يا مراكــب صـــافقتني على قاد
تعب الشـراع اللي عدلت وقلبتي
وتعب الطريق ومفـرقه وصل وبعاد
إن كان هذي قســمتي ما عدلتي
كف الشحــــيح اللي عن العـدل حياد
قلبا تبيعيــــنه وقلب استملتي
واثمان ندفعها تبـــــــــــاريح وسهاد
وقلوبنا من طـــينها اللي خبرتي
دم ولحـم يا بنت تمشي على اجسـاد